24. konpromisoa. Udalerriko sarrera/irteeretan trafiko kamarak instalatzea eta kukullagako igogailuaren erdibideko geltokian, igogailuetan eta arrapala mekanikoetan zaintza kameren instalazio proiektua bukatu.
![](https://lvpetxebarri.org/wp-content/uploads/2022/11/Diapositiva1-1024x576.jpg)
Eusko Jaurlaritzako Segurtasun Sailaren baimena jaso ondoren, Udalak abian jarri du zaintza eta segurtasuna hobetzeko proiektua, trafiko-kamerak eta bideozaintza-kamerak erabilita.
Proiektu honen helburua da bide-segurtasuna eta oinezkoen segurtasuna hobetzea, eta inbertsio handia eragin duten instalazioetan ekintza bandalikoak eta gizalegerik gabekoak kontrolatzea. Horrek Udaltzaingoaren lana hobetuko eta erraztuko du. Udaltzaingoak kontrol-zentro bat izango du, eta bertan, kamera berriez gain, udalerrian daudenak konektatuko dira.
Alde batetik, 6 kamera jarri dira udalerriko sarbideetan ibilgailuen kontrola hobetzeko: N-634 errepidea (San Antonio hiribidea eta San Esteban hiribidea), Lezama Legizamon eta Boquete errepidea, Santa Marina kaleko biribilgunea eta hilerriko sarrera.
Kamera horiek matrikula-detekzioa dute, eta, beraz, segurtasunaren ikuspegitik oso datu interesgarriak eman ditzakete; izan ere, susmagarriak izan daitezkeen ibilgailuak, lapurtu direnak edo beste edozein arrazoirengatik bilatzen direnak aurkitzen lagunduko dute. Gainera, trafikoarekin lotutako datuak lortzeko balioko dute: zenbaketa, puntako orduak, trafikoaren saturazioa…
Bestalde, segurtasuna bermatzeko eta pertsonei eta ondasun publikoei eragindako kalteak prebenitzeko, Udalak 6 bideozaintza-kamera berri jarri ditu, udalak arrapala mekanikoetan eta Lezama Legizamon igogailuetan zituen 9 kamerei gehituta.
Instalatutako kamera berriak infragorriak dira, mugimendua eta argia detektatzen dituzte eta bandalismoaren aurkakoak dira, eta bi puntu zehatzetan kokatzen dira:
- 5 kamerak, 3. lineako igogailuaren tarteko geralekuarekin lotzeko bidean, Euskal Herria kalearekin duen loturan. Aurpegia ezagutzeko eta oso argitasun txikiko baldintzetan ikusteko gaitasuna dute.
- Kontrol-kamera 1 ibilgailuen udal-biltegian.
Guztira 21 kamera izango dira eta Udaltzaingoaren komisarian prestatutako Kontrol Zentroan sartuko dira. Udaltzaingoarentzako baliabide berri honek agenteen egutegian eta koadranteetan aldaketa ekarriko du; izan ere, udal bulegoetan presentzia handituko du zaintza egiten ari diren patruilei lagunduz eta herritarrentzako zerbitzua hobetuz.