Iker López izango da Hirigintza arduradun berria, Miguel Ángel Herrerok Nerbioi- Ibaizabal Mankomunitateko lehendakari lanak bere gain hartzen dituen bitartean.

  • Orain dela hilabete batzuk Nerbioi-Ibaizabal Mankomunitate berriak Etxebarriko 1. Alkateordea den Miguel Angel Herrero, Mankomunitateko lehendakari gisa aukeratu zuen.
  • Azken osoko bilkuran, Mankomunitatea osatzen duten udalek, Miguel Ángel Herrero Etxebarriko 1. alkateordearen lanaldiaren % 60an, lehendakari lanak egin ahal izateko liberatzea erabaki dute.
  • Erabaki horrek aldaketak dakartza Etxebarriko Udalaren kudeaketa-organigraman, eta Iker Lópezek hartuko du bere gain Hirigintza Saila.
  • Iker López % 100ean liberatuko dute, eta Miguel Ángel Herrero, berriz, lanaldiaren % 40an liberatuko dute, Obra eta Zerbitzuetako alkateorde gisa bere funtzioak betetzeko.

Duela hilabete batzuk, Nerbioi-Ibaizabal Mankomunitate berriak Miguel Ángel Herrero jauna aukeratu zuen Mankomunitateko lehendakari. Erakunde hori Arrigorriaga, Urduña, Ugao-Miraballes, Arrankudiaga-Zollo, Zeberio, Orozko, Arakaldo, Zeberio eta Etxebarriko udalek osatzen dute. Udal horien ordezkariek azken osoko bilkuran erabaki dutenez, erantzukizun hori betetzeko beharrezkoa da presidentea lanaldiaren % 60an liberatzea.

Egoera horrek esan nahi du gure udalerriko gobernu-taldearen organigrama berrantolatu behar dela, eta funtzioak berriz esleitu behar zaizkiela udalbatzako kideei. Horregatik, azken osoko bilkuran, Miguel Ángel Herrero jaunak gaur egun garatutako Hirigintza Arloaren esleipena Iker López jaunaren alde aldatzea onartu zen, eta horrek aldaketa bat eragin du kudeaketa-organigraman, honako honen arabera:

  • Miguel Ángel Herrero Miravalles jauna izango da Obra eta Zerbitzuen arduraduna.
  • Iker López Comerón jauna Hirigintza, Hezkuntza, Euskara eta Familiako arduraduna izango da.

Osoko bilkura horretan Miguel Ángel Herrero Miravalles jaunaren dedikazio-portzentajea aldatzea erabaki zen. Liberazioa lanaldiaren % 100etik % 40ra pasatuko da, bere eskumenak eta erantzukizunak betetzeko, Obra eta Zerbitzuetako 1. alkateorde gisa. Jaso beharreko diru-kopurua egungoaren % 40 izango da (20.260,74 € gordin urtean), eta Nerbioi-Ibaizabal Mankomunitateko lehendakari gisa lanaldiaren % 60an liberatzen den egun berean izango ditu ondorioak.

Bestalde, eta Hirigintza Arloaren garrantzia kontuan hartuta, Iker López Comerón jauna lanaldiaren % 100 liberatzeko erabakia hartu zen, Hirigintza, Euskara, Hezkuntza eta Familiako alkateorde gisa. Oraingo 1. alkateordearen diru-kopuru berdina izango da (50.651,86 € gordin urtean), eta 2022ko martxoaren 1etik aurrera izango ditu ondorioak. Ordainsari horiek eta alkatearenak % 5eko murrizketarekin jarraitzen dute legealdiaren hasieran COVID delakoaren ondorioz ezarritakoarekiko, eta ordainsari hau jada EUDELen (Euskadiko Udalen Elkartea) gomendioen % 10 baino txikiagoa zen.

Esta entrada fue publicada en Vive ETXEBARRI Bizi. Guarda el enlace permanente.

Deja una respuesta